Saturday, June 19

आमामा,७७ फिट लामो यो सर्पबाट तपाईंको पनि नजर हट्ने छैन हेरेको हेरै हुनेछ….

March 5, 2021 385

धेरैजसो मानिसहरुका लागि स्नोम्यान बनाउन नै मुश्किल हुन्छ तर अमेरिकाको कोलोराडो प्रदेशमा एक परिवारले बरफको एउटा ठूलो सर्प बनाएका छन् जसबाट धेरै मानिसहरुको नजर हटिरहेको छैन ।

मन मूजली र उनका पाँच भाइ बहिनीले १० घण्टा लगाएर यो विशालकाय बरफको सर्प बनाएका छन् ।यसअघि सन् २०१९ मा पनि यो परिवारको स्नो आर्ट चर्चित भएको थियो । त्यतिबेला यो परिवारले बरफको एउटा शानदार बाघ बनाएका थिए जसलाई स्थानीय मिडियामा असाध्यै देखाइएको थियो ।

उनीहरुले यसपटक जुन सर्प बनाएका छन् त्यसको लम्बाई ७७ फिट (२३ मिटर) छ र मूजलीले यसलाई आफ्नो आमाको घरको बगैँचा अगाडि बनाएका छन् ।सोसल मिडियामा एउटा भिडियो सेयर गरिँदै छ जसमा मन मूजलीको समूहले यो सर्प बनाउन कति मिहिनेत गरिएको छ भनेर देखाइएको छ ।

यो समूहले सुरुमा सर्पको आकार बनायो, त्यसपछि त्यसमा स्प्रे पेन्टले रङ भरे र सेडिङ गरे ।उनीहरुले बीबीसीसँग भने, ‘जब हामी साना थियौं तब हाम्रा पिताले हामीसँग मिलाएर यस्तो बनाउने गर्नुहुन्थ्यो । हामी रमाइलो गर्नका लागि यस्ता चिज बनाउने गर्छौं ।’

वरिपरिबाट हिँड्ने मानिसहरु र छिमेकीहरु बरफको यो ठूलो सर्प देखेर चकित परेका छन् ।मूजली भन्छन्, ‘उनीहरु तस्बिर खिच्नका लागि रोकिने गर्छन् ।’उनीहरुको फेसबुक पेजमा थुप्रै मानिसहरुले उनीहरुले बनाएको बरफको सर्प देखेको र उनीहरुले परिवारको उत्कृष्ट कामको तारिफ गरेका छन् ।

एक व्यक्तिले कमेन्ट गरे, ‘तपाईंहरुले अर्को वर्ष के बनाउँदै हुनुहुन्छ भनेर हेर्नका लागि एक वर्षको प्रतीक्षा गर्न गाह्रो भइरहेको छ ।’सन् २०१९ मा मन मूजलीको परवारले बरफको बाघ बनाएका थिए । यसका लागि उनीहरुले निकै प्रशंसा बटुलेका थिए र यो तस्बिर स्थानीय मिडियामा अत्यधिक छाएको थियो ।

प्रतिकृया दिनुहोस्