Thursday, March 4

फेसबुक म्यासेन्जरमा देखियो समस्या, तपाईंले गरेको कुराकानी अरुले सुन्न सक्ने

February 7, 2021 146

काठमाडौं । सामाजिक सञ्जाल फेसबुकमा समस्या आएको छ । फेसबुक अन्तगर्तका म्यासेन्जर इन्टाग्राम र फेसबुकमा समस्या आएको हो ।

म्यासेन्जरमा सन्देश पठाउँदा इन्टरेट कनेक्शन नभएको बताउने अथवा सन्देश जान ढिलो भइरहेको भन्दै विश्वभर लाखौँ प्रयोगकर्ताले रिपोर्ट गरेका छन् । यस्तै केही प्रयोगकर्ताले फेसबुक लग ईन पनि नभएको बताएका छन् । बिहिबार अपरान्हबाट अचानक उक्त समस्या आएको हो ।

डाउनडिटेक्टर वेबसाइटका अनुसार म्यासेन्जरमा लग इन, टेक्स्ट तथा कल सेवामा अवरोध उत्पन्न भएको छ । बेलायत, फ्रान्स, बेल्जियम लगायत युरोपका धेरै देशमा यतिबेला म्यासेन्जरमा समस्या देखिएको छ । फेसबुकले हालसम्म आफ्नो एप्समा आएको समस्याबारे केही बताएको छैन ।

युरोपमा ४५ प्रतिशत फेसबुक प्रयोगकर्ताको म्यासेन्जरमा समस्या देखिएको त्यहाँका सञ्चारमाध्यमले जनाएका छन्। डेलिमेलका अनुसार बुधवार म्यासेन्जरमा सन्देश पठाउन मिलेको छैन। त्यस्तै कतिपयले म्यासेन्जरमा सन्देश प्राप्त नभएकोले फेसबुकसँग गुनासो गरेका छन्।

म्यासेन्जरको सर्भरका समस्या देखिएको बताइएको छ। नेपालमा पनि केही प्रयोगकर्ताहरूको म्यासेन्जरमार्फत सन्देश पठाउन र प्राप्त गर्न नमिल्ने समस्या देखिएको छ।

यसै क्रममा हामी कतिपय अवस्थामा टेलिकम सेवा प्रदायक र सरकारले मोबाइलमा हुने हाम्रो कुराकानी सुनिरहेको हुन्छ भनेर ठट्टा गरिरहेका हुन्छौं । तर, त्यो सत्य होइन नै भन्दा फरक पर्दैन । किनभने कुनै पनि व्यक्तिले गरेको कुराकानी सरकारले पनि कुनै विशेष अवस्थामा बाहेक सुन्न पाउने कानुनी प्रावधान छैन ।

तर, यहाँ त तपाईंले फेसबुक म्यासेन्जरमा गरिरहनु भएको कुराकानी अर्काले सुन्न सक्ने समस्या फेला परेको छ । यो फेसबुक म्यासेन्जरमा देखिएको समस्या हो । फेसबुक म्यासेन्जरमा देखिएको यो बगबारे गुगल प्रोजेक्ट रिसर्चर न्याट्ली स्लिभानोभिचले अघिल्लो महिना पत्ता लगाएका हुन् । उनका अनुसार यो समस्या एन्ड्रोइड फोन प्रयोगकर्तामा देखिएको छ ।

यसका लागि ह्याकरले प्रयोगतर्कालाई फोन कल गर्छ र उक्त फोन कलसँगै उसले नदेखिने म्यासेज पठाउँछ । उक्त कल तपाईंले नउठाउँदा पनि उसले म्यासेज छाड्न सक्छ । उक्त म्यासेजमार्फत ह्याकरले त्यसपछिका दिनमा हुने कललाई सहजै सुन्न सक्ने जनाइएको छ ।

तर, धन्य यो छ कि प्रयोगकर्ता र ह्याकर दुवैले एन्ड्रोइड फोनमार्फत म्यासेन्जर लगइन गरेको हुनुपर्नेछ । सँगै प्रयोगतर्काको हकमा उसले वेब भसर्नमा पनि म्यासेन्जर लगइन गरेको हुनुपर्नेछ । त्योभन्दा पनि महत्वपूर्ण कुरा ह्याकरले कल गर्ने भएकाले ह्याकर र प्रयोगकर्ता यसअघि नै साथी हुनुपर्नेछ ।

प्रतिकृया दिनुहोस्