Friday, November 27

अख्तियारमा काम गर्ने १५ जनामा कोरोना पुष्टि

August 4, 2020 78

काठमाडौँ । अख्तियार दुरुपयोग अनुसन्धान आयोग, टंगालमा काम गर्ने १५ जनामा कोरोना भाइरस संक्रमण पुष्टि भएको छ । आइतबार स्वाब संकलन गरी पीसीआर परीक्षण गरेका मध्ये १५ जनाको रिपोर्ट पोजेटिभ देखिएको हो ।

संक्रमितमध्ये अधिकांश सुरक्षाकर्मी रहेको अख्तियारका प्रवक्ता तारानाथ अधिकारीले जानकारी दिए ।

फिल्डमा खटिने प्रहरी अधिकारी तथा अन्य सरकारी कार्यालयका कर्मचारीमा पनि कोरोना भाइरसको संक्रमण देखिन थालेपछि सरकारी कार्यालयमा पनि पीसीआर परीक्षण गर्ने तयारी थालिएको छ ।

आजै प्रधानमन्त्रीको सरकारी निवास बालुवाटारमा कार्यरत सबैको स्वाब संकलन गर्ने तयारी गरेको स्वास्थ्य मन्त्रालय अन्तर्गत इपिडिमियोलोजी तथा रोग नियन्त्रण महाशाखाले जनाएको छ ।

प्रतिकृया दिनुहोस्