Saturday, January 16

दशगजाबाट नेपालीले हटाए भारतीय एसएसबीको पोष्ट !

January 7, 2021 36

कञ्चनपुर, २३ पुस । कञ्चनपुरको बेलौरी नगरपालिका- १० (भुडा) नेपाल-भारत सीमा क्षेत्र दशगजाबाट नेपालीले भारतीय एसएसबीको पोष्ट हटाएका छन् ।

बुधबार बिहान सुटुक्क दशगजा क्षेत्रमा भारतीय एसएसबीले अस्थायी पोष्ट बनाएपछि स्थानीय नेपालीहरुले पोष्ट हटाएका हुन् । नेपाल-भारत सीमा पिलर नम्बर ३४ र ३५ को बीचको विवादित भु-भागमा एसएसबीले चोर शैलीमा अस्थायी पोष्ट बनाएको स्थानीय बताउछन् ।
नेपाली विवादित भूमिमा भारतीय एसएसबीले एकाएक पोष्ट राखेको थाहा पाएपछि स्थानीयले विरोध जनाएको स्थानीय युवा सन्तोष पन्तले बताए ।

सोही क्रममा नेपाल प्रहरी, सशस्त्र प्रहरी र स्थानीयहरुको अगुवाइमा उक्त पोष्ट हटाएर भारतीय एसएसबीलाई लखेटिएको अन्तर्राष्ट्रिय सीमा सरोकार समुह कञ्चनपुरका सदस्य हरिश पन्तले न्यूज २४ लाई जानकारी दिए ।

स्ट्रिप नक्सा त्रुटिपूर्ण रहेकाले उक्त भु-भागमा विगत लामोदेखि विवाद कायमै छ ।

प्रतिकृया दिनुहोस्