Wednesday, January 20

नेकपाप्रति बाबुरामको व्याङ्ग- ‘ठूलो कोठामा सुत्ने झगडामा कुपुत्र/कुपुत्रीले घरमै आगो लगाइदिए’

January 3, 2021 15

जनता समाजवादी पार्टीका संघीय परिषद् अध्यक्ष एवं पूर्वप्रधानमन्त्री डा.बाबुराम भट्टराईले दु:ख गरी बनाएको संघीय लोकतान्त्रिक गणतन्त्रको घर नेकपाभित्रको झगडाले भत्काइदिएको बताउनुभएकाे छ ।

आइतबार सामाजिक सञ्जाल ट्ववीटरमार्फत नेकपाभित्रको विवादतर्फ लक्षित गर्नुहुँदै भट्टराईले ठूलो कोठामा सुत्ने झगडाले घरमै आगो लगाइदिएको उल्लेख गर्नुभएकाे छ । प्रधानमन्त्री केपी शर्मा ओलीले प्रतिनिधि सभा भंग गर्नुलाई उहाँले ‘आगो लगाएको’ रूपमा उल्लेख गर्नुभएकाे छ ।

एक आर्किटेक्टको अनुभूति:जिन्दगीभरको मेहनतले’संघीय लोकतान्त्रिक गणतन्त्र’को घर बनाइयो । सबै सन्तानलाई पुग्ने गरी कोठा थप्ने योजना थियो। केही कुपुत्र/कुपुत्रीले ठूलो कोठामा सुत्ने झगडामा घरमै आगो लगाइदिए।’

उहाँले घरझगडामा छिमेकी भने रमिते बनेको बताउनुभएकाे छ । ‘केही सन्तान आगो निभाउनु सट्टा खरानीको लागि दौडिँदैछन्। छिमेकी रमिते! लौन आगो निभाऊॅ’ उहाँले लेख्नुभएकाे छ ।

प्रधानमन्त्री ओलीले पुस ५ गते प्रतिनिधि सभा भंग गर्नुभएकाे थियाे । उक्त कदमको जसपाले विरोध गर्दै आइरहेको छ ।

प्रतिकृया दिनुहोस्