Wednesday, November 25

पुल्चोकको झडपमा खटिएका १८ प्रहरीमा कोरोना पुष्टि

September 5, 2020 168

२० भदौ, काठमाडौँ ।
बिहीबार ललितपुरको पुल्चोकमा रथ तान्ने क्रममा झडप हुँदा खटिएका १८ प्रहरीमा कोरोना पुष्टि भएको छ । महानगरीय प्रहरी वृत्त सातदोबाटोमा ९ जनालाई कोरोना संक्रमण देखिएपछि बुधबार ६८ जनाको स्बाव संकलन गरिएकोमा प्रहरी निरीक्षकसहित १८ जनाको रिपोर्ट कोरोना पोजिटिभ आएको हो ।

रथ तान्ने क्रममा झडप भएपछि वृत्तका डीएसपी मित्रबन्धु शर्माको नेतृत्वमा स्वाब दिएका प्रहरीहरु झडप स्थल पुगेका थिए ।डीएसपी शर्माले भने– ‘स्वाब नदिएका म सहितको टोली झडप नियन्त्रणतर्फ लागेँ, स्वाब दिएका इन्स्पेक्टरसहितको अरु टोली व्याक फोर्समा राखेको थिएँ । उनीहरुलाई झडपमा प्रयोग गरेनौं।’

रातो मत्स्येन्द्रनाथको रथ स्वस्फूर्त तान्न खोज्ने युवालाई प्रहरीले रोक्न खोज्दा झडप भएको थियो । उनले स्वाब दिएका टिमलाई प्रयोग नगरेको बताए पनि शुक्रबार पोजिटिभ देखिएका प्रहरी निरीक्षक भने घाइते भएका थिए । उनको खुट्टामा चोट लागेको थियो । सरकारले कोरोना परीक्षणका लागि स्वाब दिएपछि आइसोलेसन बस्नुपर्ने नियम बनाएको छ ।

प्रतिकृया दिनुहोस्