Thursday, December 3

यात्रु लिन दुबई गएकाे नेपाल एयरलाइन्स रित्तै फर्किंदै,एयरपोर्टमा १०० नेपाली अलपत्र

August 18, 2020 137

२ भदौ, काठमाडौं ।
सरकारले तय भईसकेको उद्धार उडान स्थगित गरेपछि दुबईबाट यात्रुहरुलाई लिन पुगेको नेपाल एयरलाइन्सको विमान  रित्तै फर्किने भएको छ । विमान रित्तै फर्किने भएपछि दुबई एयरपोर्टमा करिब एक सय नेपाली यात्रुहरु अलपत्र परेका छन् ।

नेपाल एयरलाइन्सकी प्रवक्ता अर्चना खड्काले सीसीएमसीले आजबाट यात्रुलाई काठमाडौं ल्याउने अनुमती रद्द गरेपछि यात्रुहरुलाई लिन दुबई गएको प्लेन आज रित्तै फर्किने बताइन् । उनले यसबाट यात्रुहरुले दुःख पाउनुका साथै नेपाल एयरलाइन्सलाई घाटा पनि लागेको बताउँदै यात्रुहरुले टिकट काटेको पैसा या फिर्ता पाउने या अर्को उडान भएपछि आउने बताइन् ।

घर फिर्तीको सबै प्रक्रिया पूरा गरेर दुबई एयरपोर्टमा पुगिसकेका उनीहरु प्लेन रित्तै फर्र्किन लागेको खबर पाएपछि आक्रोशित भएका छन् ।

गत सोमबारको मन्त्रिपरिषद्ले विदेशबाट फर्किने कामदारलाई काठमाडौंमै ७ दिनसम्म राखेर पीसीआर गरेर मात्रै घर जान दिने निर्णय गरेको थियो । तर, विभिन्न स्थानीय तहरुले निषेधित क्षेत्र घोषणा गर्ने क्रम बढेको र होटल क्वारेन्टिनको व्यवस्था पनि भइनसकेको भन्दै सीसीएमसीले सोमबार परराष्ट्र र पर्यटन मन्त्रालयलाई उद्धार उडान रोक्न भनेको थियो । विदेशबाट हुने सम्पूर्ण उद्धार उडान एक्कासी स्थगित गरिँदा विदेशका एयरपोर्टहरुमा कयौं यात्रुहरु अलपत्र परेका छन् ।

प्रतिकृया दिनुहोस्