Wednesday, November 25

तनहुँको देवघाट गाउँपालिकामा समुदायका दुई जनामा कोरोना सक्रमंण पुष्टि

August 12, 2020 104

दमौली, २८ साउन । तनहुँको देवघाट गाउँपालिकामा स्थानीय समुदायका दुई जनामा कोरोना सक्रमंण पुष्टि भएको छ । भरतपुर अस्पतालको कोभिड–१९ प्रयोगशालामा गरिएको परीक्षणमा देवघाट क्षेत्र विकास समितिका अध्यक्ष शिवराज पौडेल सहित ३० वर्षीय स्थानीय पुरुषमा कोरोना पुष्टि भएको हो ।

अध्यक्ष पौडेललाई कोरोना पुष्टि भए सँगै क्षेत्र विकास समितिको कार्यालय बन्द गरिएको छ । समितिले विहिबार एक सुचना प्रकाशित गदै कार्यालय बन्द गरिएको जानकारी दिएको हो । समितिका अध्यक्ष पौडेललाई कोरोना पुष्टि भएपछि समितिका पदाधिकारीहरुलाई उच्च जोखिम रहेको भन्दै कन्ट्रयाक्ट ट्रेसिङ सुरु गरिएको गाँउपालिका स्वास्थ्य प्रमुख प्रदिप बुढाथोकीले जानकारी दिए ।उनका अनुसार देवघाट क्षेत्र विकास समितिका पदाधिकारी ती व्यक्ति बैठकका शिलशिलामा पोखराबाट केही दिन अघि फर्केका थिए ।

‘सार्वजनिक व्यक्ति भएकाले उनको सम्पर्कमा धेरै आएका हुन सक्छन्,’ बुढाथोकीले भने,‘उहाँहरुलाई होम आइसोलेसनमा राखेर कन्ट्रयाक्ट ट्रेसिङ थालेका छौं। ’ ३० वर्षीय पुरुष केही दिन अघि हालै मात्र काठमाडौंबाट आएका थिए ।

यसैबीच देवघाट गाँउपालिका एक साताको लागि सिल गर्ने निर्णय गरेको छ । समुदायमा कोरोनाको जोखिम रहेको भन्द पालिकाले एक साताको लागि सिल गर्ने निर्णय गरेको छ । देवघाट क्षेत्रमा कोरोना संक्रमण हुन सक्ने सम्भावना रहेको हुँदा देवघाट क्षेत्र विकास समितिको पहलमा केही दिन अघि मात्र देवघाट क्षेत्रमा सार्वजानिक यातयात, बैंक तथा वित्तिय संस्था र होटलहरु बन्द गराउने सम्बन्धि निर्णय भएको थियो ।

प्रतिकृया दिनुहोस्