Saturday, November 28

नारायणी अस्पतालका चिकित्सकहरुले दिएको सामुहिक राजिनामा फिर्ता

August 12, 2020 97

वीरगन्ज (पर्सा), २८ साउन । नारायणी अस्पतालका चिकित्सकहरुले दिएको सामुहिक राजिनामा फिर्ता लिएका छन् । नेपाल चिकित्सक संघ नारायणीका सचिव डा. उदयनारायण सिंहले साउन २५ गते चिकित्सकहरुले दिएको सामुहिक राजिनामा फिर्ता लिएको बताए ।

सिंहले सामाजिक सञ्जाल मार्फत भिडियो सार्वजनिक गर्दै वीरगन्ज महानगरपालिका वडा नं. २ छपकैया स्थितका एक व्यक्तिको उपचार अभावले ज्यान गएपछि साउन २५ गते नारायणी अस्पताल तथा चिकित्सकमाथि भएको आक्रमण पश्चात चिकित्सकहरुको बसेको बैठकले सामुहिक राजिनामा दिने निर्णय गर्दै पर्साका प्रमुख जिल्ला अधिकारी समक्ष करिब ३ सय ५० जना चिकित्सकले सामुहिक राजिनामा बुझाएका थिए ।

राजिनामा बुझाएपनि त्यसमाथि कुनै किसिमको सुनुवाई नभएको कारण चिकित्सकहरुले भने सेवा दिइनै रहेका थिए । सामुहिक राजिनामाको तीन दिन पश्चात विभिन्न अनलाइनहरुमा नारायणी अस्पतालका चिकित्सकहरुले सामुहिक राजिनामा दिएको भनेर समाचारहरु आउन थाले पश्चात चिकित्सक संघ नारायणीको ध्यानाकर्षण भएको भन्दै उक्त राजिनामा फिर्ता लिएको सचिव सिंहको भनाई छ ।

तीन दिन पहिलाको विषयलाई अहिले उठान गरेर समाचारहरु प्रकाशन भएपछि त्यसलाई आधार मानेर भ्रममा नपर्न आग्रह गर्दै राजिनामा फिर्ता लिएर सम्पूर्ण चिकित्सकहरु काममा फर्केको जनाएका छन् ।

प्रतिकृया दिनुहोस्